Örugga Reykjavík

Reykjavíkurborg hefur markað skýra stefnu í velferðarmálum: að verja grunnþjónustuna í þeim efnahagslegu þrengingum sem gengið hafa yfir. Jafnframt að taka við eða þróa verkefni sem til heilla horfa fyrir íbúa borgarinnar á þessu sviði. Meginverkefnið verður áfram að verja velferðarþjónustuna. Nauðsynlegt er að styrkja samstarf milli stofnana ríkis og sveitarfélaga. Tryggja þarf afkomu þeirra sem þurfa á aðstoð borgarinnar að halda og huga sérstaklega að félagslegu húsnæði. Veita þarf einstaklingum stuðning til að takast á við afleiðingar kreppu.  Hlúa þarf að eldri borgurum og öryrkjum.

Mannréttindi
Aukin áhersla hefur verið lögð á mannréttindamál innan stjórnkerfis Reykjavíkurborgar samhliða því að unnið hefur verið skipulega að auknu öryggi borgaranna. Borgin gegnir víðtæku hlutverki í fjölmenningarsamfélagi og þarf að vinna að jafnrétti á öllum sviðum mannlífsins. Jafnrétti karla og kvenna verði að fullu tryggt, bæði hvað varðar störf, laun og þátttöku í félagsstörfum. Reykjavíkurborg á að vera í fararbroddi í jafnréttisbaráttu enda hluti af almennum mannréttindum. Tryggja þarf öryggi borgarbúa og auka löggæslu. Skapa þarf vettvang innan borgarkerfisins þar sem unnið verður úr eineltismálum sem upp kunna að koma. Jafnt aðgengi að upplýsingum er mikið mannréttindamál og því þarf að vinna að því  að koma upp viðmóti fyrir bæði heyrnarlausa og sjónskertra á heimasíðu borgarinnar eins og þegar hefur verið gert á heimasíðu Mannréttindaskrifstofunnar.

Við höfum meðal annars:

• Aukið framlög til í velferðarmála og veitt fjármagn í brýn verkefni
• Gert átak í húsnæðismálum aldraða og grunnur lagður að því að biðlistar hverfi.
• Byggt yfir tvö hundruð þjónustu og öryggisíbúðir.
• Hafið vinnu við byggingu Þjónustu- og menningamiðstöðvar í Spöng.
• Gert tilraunaverkefni með breytingu á íbúðum fyrir aldraða og öryggissíma.
• Skipulagt heimsóknir til félagslega einangraðra eldri borgara í hverfum borgarinnar.
• Eflt nærþjónustuhópar á þjónustumiðstöðvum sem hafa það verkefni að finna einangraða einstaklinga í hverfum sem þurfa aðstoðar við.
• Komið á skipulagðri samráðsnefnd eldri borgara með kjörnum fulltrúum meirihluta og minnihluta.
• Sameinað heimahjúkrun og heimaþjónustu. Borgin tók við heimahjúkrun frá ríkinu með þjónustusamningi. Markmið samningsins er að samþætta heimahjúkrun og heimaþjónustu, bæta skilvirkni þjónustu og gera fleirum kleift að búa heima.
• Styrkt Barnavernd Reykjavíkur með fjölgun starfsfólks
• Breytt almennum niðurgreiðslum Reykjavíkurborgar vegna félagslegs leiguhúsnæðis  í persónubundinn stuðning. Þessi stuðningur fylgir því  einstaklingum hvar sem þeir búa.
• Tekið búsetuþjónustu við geðfatlaða yfir frá ríkinu. Byggt upp 8 nýja íbúðakjarna.
• Mótað stefnu í málefnum utangarðsfólks  í fyrsta skipti og bætt verulega þjónustu m.a. með samningi um iðju fyrir utangarðsfólk, heimili fyrir heimilislausa, smáhýsum o.fl.
• Breytt reglum um fjárhagsaðstoð til að tryggja betur hagsmuni barna og ungmenna í því erfiða ástandi sem nú er.  
• Komið á lögfræðiaðstoð fyrir almenning á bókasöfnum borgarinnar í samvinnu við Orator félag laganema við H.Í.
• Unnið stefnumótun og aðgerðaráætlun í málefnum innflytjenda sem snýr einkum að móttöku, aðlögun, upplýsingamiðlum, túlkaþjónustu, nærþjónustu og ráðgjöf.
• Haldið fjölmenningardag í Reykjavík. Markmiðið með deginum er að skapa vettvang til að kynna menningu og siði annarra þjóða en aukinn skilningur á ólíkri menningu er til þess fallinn að draga úr fordómum.
• Þýtt heimasíðu Mannréttindaskrifstofunnar á öll helstu tungumál auk þess sem komið var upp viðmóti fyrir heyrnarlausa á síðunni.
• Samþykkt að einn dagur á ári yrði helgaður baráttunni gegn einelti og var það gert 17. mars sl. Haldið var málþing í Ráðhúsinu um lausnir og úrræði við eineltismálum og táknræn athöfn var á Tjarnarbakkanum til að minna á baráttuna gegn einelti.
• Gert móttökuáætlun fatlaðra nemenda í grunnskólum og flýtt þannig aðlögun þeirra.    
• Komið á mannréttindadegi og mannréttindaverðlaunum. Alþjóðahús og Rauði Kross Íslands hafa hlotið þessi verðlaun fyrir öflugt starf í þágu mannréttindamála.
• Aukið öryggi borgaranna: Starfshópur skilaði af sér tillögum um bætt öryggi á og við skemmtistaði borgarinnar. Verkefnið unnið með skemmtistaða- og veitingahúsaeigendum, lögreglu og Neyðarmóttökunni.
• Gert Reykjavíkurborg aðila að Evrópusáttmála um jafna stöðu kvenna og karla.
• Tekið þátt í verkefninu Jafnrétti í skólum. Verkefnið var samstarfsverkefni nokkurra sveitarfélaga og ríkisins. Bæði grunn- og leikskólar borgarinnar tóku þátt í verkefninu.

• Auka nærþjónustu og sameina hverfatengda þjónustu enn frekar.
• Auka val einstaklinga um þjónustu á öllum sviðum.  
• Taka við málefnum fatlaðra.
• Taka við málefnum aldraðra.
• Styrkja Barnavernd Reykjavíkur.
• Auka samvinnu við heilbrigðisstofnanir á vegum ríkisins.
• Byggja fleiri þjónustu- og öryggisíbúðir.
• Auka öryggi barna enn frekar og standa fyrir fræðsluátaki gegn ofbeldi og kynferðisbrotum á börnum.
• Tryggja áhrif barna og ungmenna og skapa þeim tækifæri til að láta skoðanir sínar í ljós með beinum hætti.
• Móta stefnu í atvinnumálum fatlaðra og móttöku fatlaðra starfsmanna hjá borginni.
• Auka lífsgæði eldri borgara, með því að stuðla að aukinni þátttöku þeirra í samfélaginu og draga úr kynslóðabilinu. Tryggja þarf að eldri borgarar hafi sjálfir um sín mál að segja og hafi aðkomu að ákvarðanatöku um þau mál sem snúa að þeim.
• Styrkja og efla löggæslu og nágrannavörslu í öllum hverfum borgarinnar og gera hana sýnilegri í samstarfi við lögregluna.