Fallega Reykjavík

Umhverfið
Við höfum gert borgina grænni, skemmtilegri, jákvæðari, skilvirkari og öruggari.
Þetta gerðum við með mörgu litlum og stórum aðgerðum. Það er engin tilviljun að Reykjavík var valin Grænasta borg Evrópu, annars vegar af tímaritinu Grist og hins vegar af stofnun við Yale háskólann. Þá hefur Reykjavíkurborg verið valin ein af sex evrópskum borgum sem keppa til úrslita um að vera Græna borgin í Evrópu (European Green Capital) árið 2012 eða 2013. Þetta er mikil viðurkenning á því mikla starfi sem unnið hefur verið í umhverfismálum en borgin hefur kynnt áherslur sínar undir nafninu Græn skref í Reykjavík. Með sameiginlegu átaki borgaryfirvalda, fyrirtækja og borgarbúa getum við gert borgina okkar að skemmtilegustu, hreinustu og fjölskylduvænstu höfuðborg heims.

Skipulag
Skipulag borgar er eitt helsta hagsmunamál íbúanna. Skipulagsmálin taka til alls hins manngerða umhverfis og mótar umgjörð fyrir allt daglegt líf.  Borgarbúar þurfa í auknu mæli að koma beint að ákvörðunum um skipulagsmál. Í fyrsta skipti hefur aðalskipulag Reykjavíkur verið unnið í pólitískri sátt.  Aðalskipulagið nær fram til ársins 2030 en fjallar ekki síður um það hver þróun byggðar verður fram til ársins 2050. Aðalskipulag inniheldur framtíðarsýn fyrir allt borgarsamfélagið og sameinar á einum stað stefnumál allra sviða borgarinnar. Markmið er fallegri borg, heilbrigði og sjálfbærni. Borgaryfirvöld þurfa í samvinnu og í samráði við borgarbúa að taka mikilvægar ákvarðanir í skipulagsmálum. Sameiginlega þarf að sjá fyrir hvernig við öll viljum sjá Reykjavíkurborg þróast á komandi árum og áratugum.  

Við höfum meðal annars:

• Samþykkt hjólreiðaáætlun um að skapa hjólaborgina Reykjavík.
• Gefið út nemakortið í strætó fyrir alla námsmenn í Reykjavík eldri en 16 ára.
• Tryggt ódýrar 100 kr. strætisvagnaferðir fyrir 18 ára og yngri.
• Tuttugufaldað hjólreiðastíga.
• Endurskipulagt Miklatún
• Þrefaldaðar forgangsakreinar strætó.
• Tvöfaldað endurvinnslu á blöðum og pappír með tilkomu Bláu tunnunnar.
• Fjölgað farþegum í strætó í fyrsta sinn síðan 2001
• Bætt umferðaflæði í borginni og minnkað umferðateppur
• Uppfyllt 95% af Grænu skrefunum
• Samþykkt loftslags- og loftgæðastefnu fyrir Reykjavík og veitt upplýsingar í rauntíma um loftgæði í borginni á reykjavik.is
• Náð í samráði við íbúa, niðurstöðu um gatnamót Miklubrautar og Kringlumýrarbrautar.
• Náð í samráði við íbúa, niðurstöðu um legu Sundabrautar
• Samþykkt umferðaröryggisáætlun til 2014
• Breytt níu af tíu sorpbílum borgarinnar svo þeir aka um á innlendu umhverfisvænu eldsneyti, metani, sem er gert úr sorpinu sem þeir hirða
• Aukið gæði drykkjarvatns. Við erum eina höfuðborgin í Evrópu sem er með ómeðhöndlað náttúrulegt vatn í sínum krönum.
• Náð að fækka bílum á nagladekkjum úr 50% í 40% með fræðslu og upplýsingagjöf.
• Plantað 400.000 trjám í landi Reykjavíkur.
• Hafið skipulag og uppbygging á þjónustu og íbúðum fyrir aldraða í Spöng í Grafarvogi.
• Gert nýtt skipulag í Suður Mjódd með íbúðum aldraðra, íþróttastarfsemi og atvinnuhúsnæði.
• Skipulagt við Sléttuveg sem er ágætt dæmi um þéttingu byggðar.
• Deiliskipulagt fjölmarga reiti í grónum hverfum með áherslu á varðveislu sérkenna byggðarinnar.  Dæmi eru: Fálkagötureitur, Kárastígs-, Baldursgötu- og Urðarstígsreitir.
• Breytt skipulag Vísindagarða sem er tilbúið til auglýsingar, en þar er gert ráð fyrir þéttri borgarbyggð og námsmannaíbúðum.  
• Komið vinnu við samgöngumiðstöð á lokastig.
• Lokið heildstæðu deiliskipulagi Heiðmerkur með áherslu á notkun og verndun svæðisins.
• Unnið skipulagningu athafnasvæðis á Hólmsheiði með áherslu á umhverfisgæðin sem fylgja staðsetningunni.  
• Látið skipulag miðborgarinnar taka mið af því að varðveita elstu borgarmynd Reykjavikur.
• Haldið samkeppni um framtíðarskipulag gömlu  hafnarinnar.
• Haldið opna fundi um Reykjavík framtíðarinnar í öllum hverfum borgarinnar.

Við munum:

• Lækka umferðarhraða í íbúðahverfum borgarinnar.
• Fjölga vistgötum.
• Bæta leiðakerfi strætó í úthverfum  borgarinnar (Grafarholti, Grafarvogi, Árbæ og Norðlingaholti).
• Bæta biðskýli strætó og gönguleiðir að og frá þeim.
• Leggja hjólastíganet um borgina; fimmföldun stíganæstu fimm ár, tíföldun á tíu árum.
• Draga úr slysum í umferðinni um 25% miðað við meðaltal áranna 2003.
• Auðvelda fólki flokkun og endurvinnslu á sorpi og ná þannig aukinni hagræðingu og betri nýtingu hráefna.
• Auka sjálfbærni hverfa með öruggum göngu- og hjólaleiðum, betri útivistarsvæðunum og minni bílaumferð inni í hverfunum.
• Auka loftgæði í borginni með því að minnka svifryk.
• Gera áætlun ásamt ríkinu um lagningu Sundabrautar og stokks á Miklubraut.
• Endurnýja opin svæði í borginni.
• Gera leikjastefnu með íbúum í hverju hverfi til að skilgreina hvaða leiksvæði eru mest notuð og hver eigi að efla til framtíðar.
• Þróa svæði í tengslum við nýja samgöngumiðstöð
• Skipuleggja íbúðarhverfi á Valssvæðinu með yfirsýn yfir leikvellina.
• Gera nýtt skipulag Vísinda og stúdentagarða. Allt skipulag Vatnsmýrarinnar hafi heildrænt yfirbragð og byggi á tillögu sem varð hlutskörpust í samkeppni um skipulag svæðsins.
• Skipuleggja nýtt iðnaðar- og hafnarsvæði á Álfsnesi þar sem fyrirtækjum í “grófum” iðnaði verður sköpuð aðstaða sem hentar þeirra starfsemi. Svæði sem losna við flutning iðnfyrirtækja upp í Álfsnes verða endurskipulögð.
• Endurskipuleggja atvinnusvæði á Höfðanum og í Vogunum með tilliti til borgarþróunar. Stefnt að blandaðri byggð sem skapar ótal ný tækifæri.
• Endurskoða skipulag Skeifunnar.
• Halda áfram  skipulagi í Úlfarsárdal, með þjónustukjarna miðsvæðis við Leirtjörn þar sem nýrri nálgun er beitt með samspili ólíkra kosta, námsmannaíbúða og íbúða aldra, verslunar- og þjónustu, náttúru og borgar.
• Byggja á grunni sem þegar hefur verið lagður að skipulagi gömlu hafnarinnar með hugmyndasamkeppni um framtíð svæðisins.