Miðborgin

• Efsti hluti Skólavörðustígs (milli Týsgötu og Njarðargötu) endurgerður.
• Ziemsenhúsið flutt á Grófartorg og endurgert. Umhverfi hússins fegrað.
• Neðsti hluti Vesturgötu gerður að vistgötu með rólegri umferð, gróðri og gangandi og hjólandi í forgangi.
• Nýr vegur lagður frá Hringbraut að Háskólanum í Reykjavík, sem tengir skólann, Hótel Loftleiðir og aðra starfsemi betur miðborginni.
• Uppbygging við Tónlistar- og ráðstefnuhúsið hefur haldið áfram af fullum krafti.
• Forgangur strætó aukinn í Lækjargötu.
• Pósthússtræti gert að göngugötu á góðviðrisdögum.
• Endurgerð húsanna á Laugavegi 4 og 6 stendur sem hæst. Völundarverk sér um framkvæmdir.
• Lækjargata 2, 2a og Austurstræti 22 eru nú í endurbyggingu eftir bruna. Hornið mun senn verða eitt það glæsilegasta í borginni.
• Göngustígar um annað umhverfi við Lindargötu, Vatnsstíg og Skúlagötu í Skuggahverfi hafa verið lagfærðir.
• Starfshópur stofnaður til að gera tillögur um úrbætur vegna hávaða og annars ónæðis frá skemmtanalífinu í miðborginni.
• Hljómalindarreitur fékk andlitslyftingu.
• Jólamarkaður starfræktur í desember á Hljómalindarreit.
• Átak gert til að þrífa veggjakrot í miðborginni.
• Barnaskóli Hjallastefnunnar í Reykjavík opnaði í hverfinu. Fyrst á Suðurgötu en flutti í varanlegt húsnæði við Nauthólsveg 2009.
• Fiskmarkaður verður settur upp á gömlu höfninni.
• Verkefnið Bjarta Reykjavík lífgaði upp á miðborgina með ýmsum hætti.
• Hljómskálinn gerður að kaffihúsi yfir sumarmánuðina.
• Verkefnið Ljómandi borg er vetrarverkefni borgarinnar til að lýsa upp skammdegið. Til dæmis var fjöldi blikandi ljósa settur upp við stofnanir borgarinnar.
• Tjarnarbíó endurbyggt. Baksvið stækkað og viðbygging reist í porti.