Hlíðar

• Umferðaröryggismál. Áfram verður unnið að auknu öryggi á gönguleiðum skólabarna og gangandi vegfarenda almennt, m.a. með lengingu 30 km/klst. svæða og úrbótum á hættulegum stöðum.
• Í netkosningu kusu íbúar í Hlíðahverfi þrjú lýðræðisverkefni sem koma til framkvæmda sumarið 2010. Eftirtalin verkefni urðu fyrir valinu: Ný trimmtæki, betri leiktæki og nestisaðstaða á tveimur stöðum á Miklatúni. Að auki stendur til að fjölga bekkjum og ruslastömpum í hverfinu.
• Ætlunin er að auka vægi lýðræðisverkefna frekar og gefa íbúum kost á að kjósa um fleiri atriði sem varða uppbyggingu og viðhald í hverfum borgarinnar.
• Áhersla hefur verið lögð á að tryggja gæði skóla- og leikskólastarfs í borginni þrátt fyrir hagræðingu. Samkvæmt könnunum hefur ánægja foreldra með skólastarf beggja skólastiga í borginni vaxið verulega milli áranna 2007 og 2009.
• Leikskólarnir Hamraborg, Nóaborg, Sólborg, Klambrar, Stakkaborg og Sólhlíð hafa allir fengið hvatningarverðlaun leikskólaráðs vegna framúrskarandi verkefna eða samstarfs.
• Ný framkvæmdaáætlun Klambratúns/Miklatúns staðfest í samráði við íbúa. Meðal annars var vinnusvæði garðyrkju fært af miðju túnsins til verkbækistöðvar.
• Lóðir við Hlíðaskóla og Hlíðaborg voru lagfærðar. Sparkvöllur með gervigrasi lagður við Hlíðaskóla á sama tíma.
• Leiksvæði við hlið leikskólans Hamraborg lagfært í fyrra.
• Sparkvöllur lagður við Háteigsskóla 2010.
• Gangstétt fyrir framan leikskólann Nóaborg verður endurgerð 2010.
• Grænt skref fyrir strætó var tekið í samvinnu við Vegagerðina þegar strætórein var gerð við Miklubraut.
• Sérstakur sjóður settur á laggirnar fyrir leikskólabörn af erlendum uppruna sem styður við tungumálakennslu og fleira.
• Í hverfinu er sérstaklega gott samstarf á milli leik- og grunnskóla og þróunarstarf mikið í því samhengi.
• Nýtt skipulag gatnamóta Miklubrautar og Kringlumýrarbrautar var ákveðið í sátt milli stjórnmálaflokka og íbúa.
• Grunnskóla Hjallastefnunnar við Nauthólsveg veitt starfsleyfi.
• Víðtækt samráð við íbúa vegna vinnu við nýtt aðalskipulag Reykjavíkur.
• Aukið samstarf Reykjavíkurborgar, íþróttafélaga og foreldrafélaga í forvarnarmálum.
• Tómstundastarf fyrir börn og unglinga hefur verið eflt og húsnæðisaðstaða bætt.
• Biðlistum eftir frístundaheimilum 6-9 ára barna hefur verið eytt.
• Minnkum skutlið. Reykjavíkurborg styrkir nú íþróttafélög til að reka frístundastrætó sem ekur börnum úr skóla í frístundastarf.
• Verkefni um skipulagða nágrannavörslu, innbrotsvarnir og aðgerðir gegn veggjakroti í samvinnu við lögregluna.
• Frístundakortið. Börnum og unglingum á aldrinum 6-18 ára gert kleift að taka þátt í uppbyggilegu frístundastarfi óháð efnahag eða félagslegum aðstæðum.